بدء حجز الدروس أونلاين للعام الدراسي 2021 في مادة اللغة الإنجليزية للصفوف الأول والثاني والثالث الثانوي

أول عمل مشترك لي هذا العام الدراسي 2021 مع أستاذي الكبير (مستر أسامة البنداري)  وتماشيًا مع سياسة الحكومة واحترامًا منا لقوانين الدولة بمنع التجمعات ومنع العمل في السناتر لحين انتهاء جائحة الكورونا، قررت أنا (مستر أحمد سامي) بالتعاون مع (مستر أسامة البنداري) شرح مناهج اللغة الإنجليزية للصفوف الأول والثاني والثالث الثانوي 2021 في حصص لايف بنظام مدرسة على الهواء. الحصص سيتم عرضها live بث مباشر صوت وصورة بإخراج احترافي كإنك حاضر معنا وتقدر تسألنا وتتفاعل معنا أثناء الشرح. كل دة يتم وانت قاعد في بيتك معزز مكرم دون أن تعرض حياتك لخطر الكورونا. الشرح بنظام البينج بونج وأنا بدي مثال ومستر أسامة بيدي مثال وأنا بحل جملة ومستر أسامة بيحل جملة في تعاون مثمر مفيد للطلبة والطالبات بإذن الله. يعني 2 مدرسين هيشرحوا لك المادة بكل خبراتهما في التدريس. نظام الدرس سيراعي النظام التعليمي الجديد واكتساب لغة مفيدة وتدريب الطالب أو الطالبة على استخدام التكنولوجيا في التعليم. الدرس لثالثة ثانوي ب 120 جنيه شهريًا فقط. والدرس لأولى وثانية ثانوي ب 100 جنيه شهريًا فقط. يعني مفيش تزويد لرسوم الدرس عن السنة اللي فاتت. نقطة البداية الأحد 9 أغسطس بإذن الله. عاوز تحجز معنا، هتفتح الموقع دا 👈 www.1edu.org
هتلاقي أمامك استمارة الحجز. اختر نوع التعليم وبعدين المرحلة الدراسية (من أولي إعدادي ل 3 ثانوي). هيظهرلك المواد المتاحة لصفك الدراسي. اختر المادة اللي انت عايزها. هتلاقي ظهر لك المدرسين المتاحين فيها وميعاد كل مدرس منهم. اختر المدرس اللي عايز تحجز معاه. بعدين هتحط بياناتك الشخصية (اسمك – رقم موبايلك – ايميلك -اكتب باسورد ليك على المنصة وبعدين رقم ولي أمرك – والمدينة التابع لها). أول ما تخلص دوس تسجيل هيظهرلك كود ليك على المنصة هيبقي كود ثابت هتستخدمه في كل الأمور بعدين – وهيظهرلك برضه مناطق وطرق الدفع اللي ممكن تدفع وتحجز بيها دروسك )
-اختر أقرب مكان دفع أو أقرب طريقة ليك وروح ادفع بالكود واسمك الشخصي فقط واستلم إيصال الدفع. في نفس اليوم اللي هتدفع فيه، الأكونت بتاعك هيفتح ويبقى مسموح ليك تحضر كل دروسك اللي حجزتها ودفعت فيها.

نبذة عن الكاتب

المدير العام للموقع.. ومترجم محترف ومبرمج ويب ومعلم لغة إنجليزية للمرحلة الثانوية ومدرب كورسات معتمدة..

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *